சமீபத்தில் இளையதளபதி விஜய் புதிதாக ”கில்லி பிலிம்ஸ்” என்ற தயாரிப்பு நிறுவனத்தை தொடங்கியிருக்கிறார். இத்தயாரிப்பு நிறுவனம் புதிய படம் ஒன்றை தயாரிக்க இருக்கிறது.
நடிகர் விஜய்யின் அப்பா எஸ்.ஏ.சந்திரசேகர் இயக்கத்தில் வெளிவந்து மாபெரும் ஹிட்டான படங்களுள் ஒன்று “சட்டம் ஒரு இருட்டறை”.
இப்படம் தமிழ் சினிமாவில் விஜயகாந்திற்கு ஒரு அங்கீகாரத்தை கொடுத்தது. தற்போது இப்படத்தை மீண்டும் ரீ-மேக் செய்து வெளியிட இருக்கிறார் விஜய்.
படத்தின் ஹீரோவாக இளைய திலகம் நடிகர் பிரபுவின் மகன் விக்ரம் நடிக்கிறார். இவருக்கு ஜோடியாக ”கோ” படத்தின் நாயகி கார்த்திகா நடிக்கிறார். 2-வது நாயகியாக பியாவும் நடிக்க இருக்கின்றார். மேலும் நீண்ட நாட்களுக்கு பிறகு நடிகை மீனா முக்கிய கேரக்டரில், அதாவது விக்ரமின் அக்காவாக நடிக்க இருக்கிறார்.
புதுமுகம் ரமேஷ் இயக்த்தில் உருவாகும் இப்படத்தை, நடிகர் விஜய் புதிதாக தொடங்கியிருக்கும் “கில்லி பிலிம்ஸ்” தயாரிப்பு நிறுவனம் தயாரிக்க இருக்கிறது. தனது முதல் படைப்பாக தன் அப்பா இயக்கிய முதல்படத்தை தயாரிக்கலாம் என்ற முடிவில் இப்படத்தை தயாரிக்கிறார் விஜய். விரைவில் இப்படம் பற்றிய முழு அறிவிப்பு வெளியாகும் என தெரிகிறது.
0 comments: