இந்தி படத்தின் ரீமேக்கில் அஜீத்தை வைத்து இயக்க 3 இயக்குனர்களிடையே கடும் போட்டி நிலவுவதாக கூறப்படுகிறது.
அஜித்தின் ”பில்லா 2” முடிவடையும் நிலையிலுள்ளது. இதையடுத்து அஜித் இந்தி ரீமேக்கில் நடிக்க இருக்கிறார். இந்தியில் சைப் அலிகான் நடித்து மிகப் பெரிய ஹிட்டான த்ரில்லர் படம் ”ரேஸ்”. இப்படத்தை தமிழில் அஜீத்தை வைத்து தயாரிக்க மும்பை பட நிறுவனம் ஒன்று திட்டமிட்டுள்ளது.
தற்போது அஜித் இயக்குனர் விஷ்ணுவர்தனின் புதிய படத்தில் நடிக்கயுள்ளார். இதனால் ”ரேஸ்” படத்தின் ரீமேக்கை இயக்கும் பொறுப்பை விஷ்ணுவர்தனிடம் ஒப்படைக்கலாம் என்று ஆலோசித்து வருகிறார்.
இதே போல் ”மங்காத்தா” படம் மூலம் தனக்கு மிகப் பெரிய வெற்றியை தந்த இயக்குனர் வெங்கட் பிரபு சமீபத்தில் டுவிட்டரில், மீண்டும் அஜீத்துடன் பணியாற்ற விரும்புகிறேன் என்று கூறியிருந்தார். இதனால் இந்த வாய்ப்பை இவருக்கு தரலாமா என்றும் யோசித்து வருகிறார்.
இதற்கிடையே மும்பை பட நிறுவனம், பிரபுதேவாவை இயக்குனராக தேர்வு செய்ய விரும்புவதாக கூறப்படுகிறது. இதனால் அஜீத்தை இயக்குவது யார் என்பதில் மூன்று இயக்குனர்களிடையே கடும் போட்டி ஏற்படும் சூழல் உருவாகியுள்ளது.
0 comments: