ஒரு பதினைந்து நாட்களுக்கு முன் தன்னைச் சந்தித்த இயக்குநர் விஷ்ணுவர்தனுக்கு ஒரு வாக்குறுதி அளித்தாராம் அஜீத்.
'அடுத்த பதினைந்து நாட்களுக்குள் வேறு ஒரு அஜீத்தை பார்க்கப் போகிறீர்கள்... என் உடம்பை அப்படி மாற்றிக் காட்டுகிறேன்', என்று அஜீத் கூறியிருந்தாராம்.
சொன்னதுபோலவே, அபார மாற்றம். ஏகப்பட்ட கிலோ எடையைக் குறைத்து, படு ஸ்லிம்மாக அஜீத் இப்போது காட்சி தர, விஷ்ணுவுக்கு தன் ஸ்க்ரிப்டுக்கேற்ற தோற்றம் வந்துவிட்டது என பாராட்டினாராம்.
இதுகுறித்து விஸ்ணுவர்தன் கூறுகையில், "அஜீத் மாதிரி அர்ப்பணிப்பு உணர்வுள்ள நடிகர்கள் அரிது. சினிமாவுக்கு வந்து 20 ஆண்டுகள் கழித்தும் அவர் காட்டும் ஈடுபாடு பிரமிக்க வைக்கிறது. ஒரு நாளைக்கு ஆறுமணி நேரம் ஜிம்மில் இருந்து, பயிற்சிகள் செய்து இந்த சாதனையைச் செய்திருக்கிறார் அஜீத். என்னிடம் சொன்ன வார்த்தையைக் காப்பாற்றிவிட்டார்," என்றார்.
ஜிம்மில் அஜீத் இருக்கும் படங்களை ஷூட் செய்து வெளியிட்டவர் விஷ்ணுவர்தன்தான் என்பது குறிப்பிடத்தக்கது.
0 comments: